სიჭინავას ბრწყინვალე გოლი აკრობატულ სტილში
უკრაინის რანგით მეორე ლიგაში 25 წლის ქართველი თავდამსხმელი ნიკა სიჭინავა ბრწყინვალე სეზონს ატარებს. 21 მატჩში გატანილი 16 გოლით სიჭინავა ბომბარდირთა დავაში პირველ ადგილზეა.
23-ე ტურში ''ინგულეცმა'' სტუმრად ერთ-ერთი კონკურენტი ''ვოლინი'' მინიმალური სხვაობით დაამარცხა. მატჩის ერთადერთი გოლი პირველივე წუთზე ქართველმა ფეხბურთელმა შეაგდო. სიჭინავას გოლი საკმაოდ ეფექტური გამოვიდა, ფლანგური ჩაწოდების შემდეგ ''მაკრატელა'' დარტყმით გუნდს მნიშვნელოვანი 3 ქულა მოუპოვა.
ქუთაისში დაბადებული სიჭინავა ფოთის ''კოლხეთისა'' (2013, 2014-15) და თბილისის ''ვიტ ჯორჯიას'' (2013-14) ყოფილი მოთამაშეა. 2016 წლიდან მოყოლებული უკრაინის რანგით მეორე ლიგაში ''ინგულეცის'' ღირსებას იცავს. მიმდინარე სეზონი მის კარიერაში ყველაზე შედეგიანია.
2018-19 წლების სეზონში ''ინგულეცი'' უკრაინის თასის ფინალში გავიდა, სადაც დონეცკის ''შახტართან'' დამარცხდა. აღნიშნული შეხვედრა ''შახტარმა'' 4:0 მოიგო. გამარჯვებულთა მხრიდან ხოჭოლავა სათადარიგოთა სკამზე იჯდა, ხოლო სიჭინავა მატჩის მიმდინარეობისას ჩაერთო თამაშში.