''სოლიდარობა და თანადგომა შაქარაშვილის ოჯახს'' - კაშიას და ყაზაიშვილის ღირსეული ჟესტი
ხანგრძლივი პაუზის შემდეგ გურამ კაშიასა და ვაკო ყაზაიშვილის ''სან ხოსემ'' ოფიციალური მატჩი ჩაატარა. MLS-ის თასის B ჯგუფის პირველ მატჩში, ფლორიდაში, ESPN-ის სპორტულ კომპლექსში ''სიეტლისა'' და ''სან ხოსეს'' დაპირისპირება ფრედ 0:0 დასრულდა.
Soccer's back.
— San Jose Earthquakes (@SJEarthquakes) July 11, 2020
Now it's time to build momentum. #VamosSJ | @intermedia_net pic.twitter.com/REAEAk0j23
''სან ხოსეს'' სასტარტო შემადგენლობაში ვაკო ყაზაიშვილი და გურამ კაშია მოხვდნენ. კაშიამ შეუცვლელად ითამაშა, ხოლო ყაზაიშვილმა მინდორი 85-ე წუთზე დატოვა.
აღსანიშნავია, რომ ქართველმა ფეხბურთელებმა მაისურს გიორგი შაქარაშვილის სახელი და გვარი დააწერეს. ამ ფორმით კაშიამ და ყაზაიშვილმა ''საბურთალოს'' 19 წლის ფეხბურთელის ტრაგიკული გარდაცვალების გამო გულისტკივილი გამოხატეს.
კაშიამ Instagram-ის საშუალებით შაქარაშვილის ოჯახს თანადგომა გამოუცხადა: ''ასეთ რთულ დროს, სოლიდარობა და მხარდაჭერა გიორგი შაქარაშვილის ოჯახს, ამ ფორმით, თანადგომას ვუცხადებ 19 წლის ფეხბურთელის ყველა ახლობელ ადამიანს''.
ყაზაიშვილმა ოფიციალურ ''ფეისბუქის'' გვერდზე დაწერა: ''ამ მძიმე პერიოდში, მხარდაჭერას ვუცხადებ გიორგი შაქარაშვილის ოჯახს და ახლობელ ადამიანებს.''
საქართველოს ეროვნული ნაკრების ვიცე-კაპიტანმა მაისური გიორგი შაქარაშვილის წარწერით Instagram-ში ატვირთა.