კენჭისყრის დროს ევროპა ლიგის თასს „ხელმოცარულთა თასი" უწოდეს
დღეს ნიონში, უეფას შტაბ-ბინაში ჩემპიონთა ლიგისა და ევროპა ლიგის მერვედფინალური და ნახევარფინალური ეტაპების კენჭისყრა გაიმართა. ცერემონია, რომელსაც პედრუ პინტუ უძღვებოდა, მთელი რიგი ტექნიკური პრობლემების ფონზე წარიმართა და ერთ-ერთ მომენტს სოციალურ ქსელებში დიდი გამოხმაურება მოჰყვა.
ევროპა ლიგის კენჭისყრის დაწყებამდე, „ბაიერნის“ ყოფილმა ფეხბურთელმა, ტომას ჰელმერმა პედრუ პინტუს ჯორჯო მარკეტიზე მიანიშნა და ჰკითხა: „იცი, ევროპა ლიგის თასს რას უწოდებს? ხელმოცარულთა თასს“.
My guy calling the Europa League the “cup of the losers” #uel #europaleague #europaleaguedraw pic.twitter.com/h7GaM1bmnx
— Callum (@callumbell14_) July 10, 2020
მარკეტის ჰელმერის კომენტარი ნამდვილად არ ესიამოვნა. „ბაიერნის“ ექს-ფეხბურთელმა კი, სიცილი დაიწყო.
შეგახსენებთ, რომ კენჭისყრის შედეგად ევროპა ლიგის მეოთხედფინალური ეტაპის კენჭისყრის შედეგები ასეთი გახლავთ.
პირველი წყვილი: ვოლფსბურგი/დონეცკის შახტარი - ბაზელი/ფრანკფურტის აინტრახტი
მეორე წყვილი: ლასკ/მანჩესტერ იუნაიტედი - ბაშაქშეჰირი/კოპენჰაგენი
მესამე წყვილი: მილანის ინტერი/ხეტაფე - რეინჯერსი/ლევერკუზენის ბაიერი
მეოთხე წყვილი: ოლიმპიაკოსი/ვულვზი - სევილია/რომა