ინტერის ისტორიაში მე-4 - ლუკაკუს გამორჩეული შედეგი
რომელუ ლუკაკუმ სერია A-ს 30-ე ტურში „ბოლონიას“ გაუტანა და „ინტერის“ ისტორიაში გამორჩეული მაჩვენებელი დააფიქსირა.
ბელგიელმა ფორვარდმა „ლეგა კალჩოს“ მიმდინარე გათამაშებაში 20 გოლი მოაგროვა და იგი „ნერაძურის“ ისტორიაში მხოლოდ მე-4 მოთამაშეა, რომელმაც სადებიუტო სეზონში ჩემპიონატში ამდენი ბურთი შეაგდო.
1930 წელს ანალოგიური შედეგი ლეგენდარულ ჯუზეპე მეაცას ჰქონდა, 1949 წელს სტეფანო ნიერსი გამოირჩა, 1998 წელს კი - რონალდო ლუის ნაზარიო.
20 - Romelu #Lukaku is only the 4th #Inter’s player able to score at least 20 goals in his first ever season in #SerieA in the first 30 MDs, after Giuseppe Meazza in 1930, Stefano Nyers in 1949 and Ronaldo in 1998. Predator.#InterBologna pic.twitter.com/XHURNarp1Y
— OptaPaolo (@OptaPaolo) July 5, 2020
ლუკაკუ სერია A-ს ბომბარდირთა დავაში 5 გოლით - რონალდუს, ხოლო 9 გოლით იმობილეს ჩამორჩება. ბელგიელმა ამ სეზონში 2-2 ბურთი ჩემპიონთა ლიგაზე, ევროპა ლიგაზე და იტალიის თასზეც გაიტანა.
„ინტერი“ იტალიის ჩემპიონატის სატურნირო ცხრილში მე-3 ადგილზეა და „ატალანტას“ უკვე მხოლოდ 1 ქულით უსწრებს. მილანელები შემდეგ შეხვედრას „ვერონასთან“ სტუმრად ჩაატარებენ.