ლეგენდარული უეს ანსელდი 74 წლის ასაკში გარდაიცვალა
„ვაშინგტონ უიზარდსის“ ყოფილი კალათბურთელი, მთავარი მწვრთნელი და გენერალური მენეჯერი, უეს ანსელდი 74 წლის ასაკში გარდაიცვალა.
ანსელდის კარიერა 1968 წელს დაიწყო, როცა „ბალტიმორ ბულეთსმა“ იგი დრაფტზე მეორე ნომრად აირჩია. მან მთელი კარიერა „ვაშინგტონში“ (ბალტიმორი, კაპიტალი, ვაშინგტონი) გაატარა და 1968-69 წლების სეზონში წლის საუკეთესო ახალწვეული და რეგულარული სეზონის MVP გახდა. მაშინ იგი საშუალოდ 13.8 ქულასა და 18.2 მოხსნას აგროვებდა.
Statement from the family of Wes Unseld.
— Washington Wizards (@WashWizards) June 2, 2020
Rest easy, Wes ♥️ pic.twitter.com/NwEtuofgG9
1978 წელს „ვაშინგტონი“ NBA-ის ჩემპიონი გახდა, ხოლო ანსელდი ფინალების საუკეთესო მოთამაშედ დაასახელეს. ანსელდი ყველა ვარსკვლავის მატჩის 5-გზის მონაწილეა და 1988 წელს ნეისმიტის სახელობის საკალათბურთო დიდების დარბაზის წევრი გახდა.
მოთამაშის კარიერის დასრულების შემდეგ, მან მწვრთნელობა სცადა და 6 წლის განმავლობაში „ვაშინგტონ ბულეთსის“ თავკაცის პოსტს იკავებდა. ანსელდი კარიერაში საშუალოდ 10.8 ქულას, 14 მოხსნასა და 3.9 შედეგიან გადაცემას აგროვებდა. „ვაშინგტონს“ მისი 41-ნომრიანი მაისური ხმარებიდან აქვს ამოღებული.