უშანსოდ - ბასილაშვილმა შტრუფთან მხოლოდ 1 გეიმი მოიგო
ნიკოლოზ ბასილაშვილმა დუბაის 500-იან ტურნირზე გამოსვლა იან-ლენარ შტრუფთან გამანადგურებელი ანგარიშით მარცხით დაასრულა. ქართველმა ჩოგბურთელმა თამაშში შესვლა ვერაფრით შეძლო და 1:6; 0:6 წააგო.
გერმანელი კარგ სათამაშო ფორმაშია და გუშინ მსოფლიოს მე-12 ჩოგანი, რობერტო ბაუტისტა-აგუტი დაამარცხა, ნიკამ კი მასთან უბრალოდ ვერაფერი გააწყო და ურთიერთშეხვედრებში ანგარიში 2:2 გახდა.
Struff means business this week ????@Struffitennis moves past Basilashvili 6-1 6-0 & will face Tsitsipas in the @DDFTennis quarter-finals. pic.twitter.com/gZT7g5xShK
— ATP Tour (@atptour) February 26, 2020
ბასილაშვილმა დუბაიში გასულ წელს 1/4 ფინალამდე გააღწია, რის გამოც წელს 90 სარეიტინგო ქულა ჰქონდა დასაცავი და რადგან წელს 1/8 ფინალიდან გავარდა, ATP-ს რეიტინგში 45 ქულა დააკლდება.
ნიკა ამჟამინდელ მსოფლიო რეიტინგში 29-ე ადგილზეა და 45 ქულის ჩამოკლების მიუხედავად, მომავალი კვირიდან, სავარაუდოდ, დაწინაურდება, რისი მიზეზიც კონკურენტ ჩოგბურთელთა ასევე წარუმატებელი თამაშია.
