ლევანდოვსკის ჰეთ-თრიკი და კოუტინიოს დებიუტი გელზენკირხენში

მიუნხენის „ბაიერნმა“ ბუნდესლიგის მეორე ტურში სეზონის პირველი გამარჯვება მოიპოვა.

„რეკორდმაისტერი“ გელზენკირხენს ესტუმრა და „შალკე“ 3:0 დაამარცხა.

ბრწყინვალე იყო რობერტ ლევანდოვსკი, რომელმაც ჰეთ-თრიკი შეასრულა და ბომბარდირთა დავაში თავიდანვე წინ გაიჭრა.

შეხვედრაში შედგა ფილიპე კოუტინიოს დებიუტიც. კოუ მოედანზე 57-ე წუთზე ტომას მიულერის ნაცვლად გამოჩნდა.

„ბაიერნის“ მთავარი კონკურენტი „დორტმუნდი“ ჯერჯერობით უდანაკარგოდ ასპარეზობს. მიუნხენელები მე-3 ტურში “მაინცს“ უმასპინძლებს.