Aa Aa
19 აგვისტო 2019  |  14:40

Bild: "ბაიერნი" ვერნერს ამ ზაფხულს აღარ შეიძენს

გერმანული Bild-ის ინფორმაციით, მიუნხენის „ბაიერნი“ ტიმო ვერნერის ამ ზაფხულს შესაძენად აღარ იმუშავებს.

გამოცემის თქმით, მიუნხენელებმა ლაიფციგელებს შეუთვალეს, რომ ვერნერის „ალიანც არენაზე“ ამ ზაფხულს გადაყვანა მათ გეგმებში აღარ შედის.

თავად ვერნერმა „რეკორდმაისტერის“ მაისურის მორგების სურვილი არაერთხელ გამოთქვა და „ლაიფციგის“ დასატოვებლადაც ემზადებოდა, თუმცა, როგორც ჩანს, საქსონიის მხარეში კიდევ მინიმუმ 1 წლის გატარება მოუწევს.

23 წლის თავდამსხმელს „ლაიფციგთან“ კონტრაქტი მომავალ ზაფხულს უსრულდება, ამიტომ, არაა გამორიცხული, „ბაიერნის“ გადაწყვეტილება მომგებიანი გამოდგეს და ვერნერი მიუნხენში სულაც სრულიად უფასოდ გადაბარგდეს.

გაზიარება:

მსგავსი სიახლეები

ცხელი ამბები