რობინიოს მომდევნო კლუბი ცნობილია

გამოცდილი ბრაზილიელი თავდამსხმელი რობინიო კარიერას „ატლეტიკო მინეიროში“ გააგრძელებს. აღნიშნული ინფორმაცია თავად ბრაზილიური კლუბის პრეზიდენტმა, საკუთარი „Twitter“-ის გვერდზე გაავრცელა.

როგორც მოგეხსენებათ, რობინიომ ნახევარი წელიწადი ჩინეთში გაატარა, თუმცა აზიურ ფეხბურთს ვერ შეეგუა და სამშობლოში დაბრუნება არჩია.

შეგახსენებთ, რომ რობინიოს ბოლო ბრაზილიური კლუბი „სანტოსი“ იყო. ხოლო ევროპაში, ისეთი გუნდების მაისურით უასპარეზია, როგორებიც მადრიდის „რეალი“, „მანჩესტერ სიტი“ და „მილანი“ არიან.