საქართველომ უნგრეთი მძიმე ბრძოლაში დაამარცხა

საქართველოს ფუტსალის ეროვნულმა ნაკრებმა მსოფლიო ჩემპიონატის საკვალიფიკაციო ეტაპისთვის მზადების პროცესში უნგრეთის წინააღმდეგ პირველი ამხანაგური შეხვედრა გამართა.

მატჩი გარდამავალი უპირატესობით წარიმართა და ჩვენი გუნდის გამარჯვებით 3:2 დასრულდა.

ქართველთა მხრიდან თითო გოლი ირაკლი თოდუასა და თალესის ანგარიშზეა, ერთი ბურთი კი, საკუთარ კარში ჯოზეფ ტატაიმ ჩაჭრა.

საქართველოსა და უნგრეთის ეროვნულ ნაკრებებს შორის მეორე ამხანაგური მატჩი 5 დეკემბერს 19:30 საათზე, თბილისის ოლიმპიურ სასახლეში გაიმართება.