ვინისიუსის დუბლი და ნეიმარის დაბრუნება - ბრაზილიამ შოტლანდიას მოუგო

მსოფლიო ჩემპიონატის ჯგუფური ეტაპის ბოლო ტურში ბრაზილიამ შოტლანდია 3:0 დაამარცხა და 1/16-ფინალში პირველი ადგილით გავიდა.

ანჩელოტის გუნდის მხრიდან გამორჩეული მატჩი ჰქონდა ვინისიუს ჟუნიორს, რომელმაც დუბლი შეასრულა და ამ გამარჯვებაში ყველაზე დიდი წვლილი შეიტანა.

რეალის სუპერვარსკვლავმა ანგარიში მე-7 წუთზე გახსნა. 22-ე წუთზე მეორე გოლიც გაიტანა, მაგრამ ვიდეო რეფერის გადამოწმების შემდეგ გაუქმდა. პირველი ტაიმის მიწურულს, ვინისიუსმა მეორე გოლი თავით გაიტანა და შესვენებამდე 2:0 დააფიქსირა.

მეორე ტაიმიც პირველის სცენარით წარიმართა. სელესაო ძალიან ლამაზ ფეხბურთს თამაშობდა და გულშემატკივრები აღფრთოვანებაში მოყავდა.

მე-60 წუთზე, ბრუნო გიმარაეშის საოცრად გამოზომილი პასი კუნიამ გამოიყენა და მატჩის საბოლოო შედეგი 3:0 დააფიქსირა.

აღნიშნულ მატჩში, მოედანზე ნეიმარი ვიხილეთ, რომელიც ბრაზილიის ეროვნულ ნაკრებს 3-წლიანი პაუზის შემდეგ დაუბრუნდა. კარლო ანჩელოტიმ ის 76-ე წუთზე შეიყვანა.

ცნობისთვის, ამავე ჯგუფში მეორე ადგილი მაროკომ დაიკავა, რომელმაც პარალელურ მატჩში ჰაიტი 4:2 დაამარცხა.

ასევე გეტყვით. რომ ვინისიუსი მსოფლიო ჩემპიონატების ისტორიაში მეხუთე ბრაზილიელი ფეხბურთელი გახდა, რომელმაც ერთი ტურნირის ჯგუფური ეტაპის სამივე შეხვედრაში შეძლო გოლის გატანა. აქამდე ეს ჯაირზინიომ(1970), რომარიომ(1994), რივალდომ(2000) და რონალდომ(2002) გააკეთეს.