თვალცრემლიანი გურამ კაშია ''ვიტესის'' ქომაგებს დაემშვიდობა
ჰოლანდიურ საფეხბურთო კლუბს, არნემის ''ვიტესს'' ლეგენდარული ქართველი კაპიტანი გურამ კაშია ოფიციალურად დაემშვიდობა.
''ემენთან'' შეხვედრის დაწყებამდე კაშიას მოედანზე გამოჩენა ამაღელვებელი გამოვიდა. ქართველი ფეხბურთელი თვალცრემლიანი დაემშვიდობა კლუბს, რომლის მაისურით კარიერის საუკეთესო პერიოდი გაატარა და ჰოლანდიის თასი აღმართა.
Vitesse neemt op mooie wijze afscheid van Guram Kashia en dat gaat de oud-aanvoerder niet in de koude kleren zitten. ???? #vitemm pic.twitter.com/2T5qpRlKyV
— NOS Sport (@NOSsport) December 1, 2018
გურამ კაშია „ვიტესის“ რიგებში 2010 წელს თბილისის „დინამოდან“ გადავიდა. არნემულმა კლუბმა 2016-17 წლების სეზონში 125-წლიანი ისტორიის მანძილზე პირველი ტიტული მოიგო და ჰოლანდიის თასი მისმა ქართველმა კაპიტანმა აღმართა.
გასულ სეზონში გურამ კაშიამ თეო იანსენის 242-მატჩიანი რეკორდი დაამხო. კაშია ''ვიტესის'' ისტორიაში ჰოლანდიის ერედივიზიაში ჩატარებული მატჩების რაოდენობით რეკორდსმენია. რეკორდი ქართველმა კაპიტანმა მიმდინარე წლის 18 აპრილს ''ალკმაართან'' შეხვედრაში დაამყარა, როცა არნემული გუნდისთვის ჰოლანდიის ჩემპიონატში 243-ე შეხვედრა ჩაატარა.
გასულ ზაფხულში კაშია ჰოლანდიური კლუბიდან ''სან ხოსეში'' გადავიდა.
LEGEND. ????????????
— San Jose Earthquakes (@SJEarthquakes) December 1, 2018
Guram Kashia was honored at his old club @MijnVitesse today with a massive tifo! ???? pic.twitter.com/gFkUtxBL5j
ასევე გეტყვით, რომ ''ვიტესის'' ლეგენდარული კაპიტნის გურამ კაშიას სახელი არნემში მდებარე ირმების პარკს ეწოდა. ინფორმაცია ჰოლანდიურმა მედიამ გაავრცელა.
''ვიტესის'' ქომაგთა ასოციაციის დირექტორმა პაულ კოსტერმა განაცხადა: ''განსაკუთრებულმა პერსონამ განსაკუთრებული საჩუქარი დაიმსახურა.''
ვიდეოკადრში გურამ კაშია მცირე კომენტარს აკეთებს. საქართველოს ეროვნული ნაკრების ვიცე-კაპიტანმა აღნიშნა, რომ ფაქტი მისთვის განსაკუთრებულია და დიდ მნიშვნელობას ატარებს.
???? | De tweede helft van #vitemm kijkt Guram Kashia tussen de fans op de tribune.@MijnVitesse https://t.co/eynzcy5Tbm pic.twitter.com/XQ3mk9pilo
— FOX Sports (@FOXSportsnl) December 1, 2018
