ლევან ყენიას მარცხი ''სან სიროზე'' - ''მილანის'' შთამბეჭდავი 14 წუთი
უეფას ევროპა ლიგის ჯგუფური ეტაპის 2018-19 წლების სეზონის მეხუთე ტურში ''მილანმა'' ''სან სიროზე'' ლუქსემბურგის ''დუდელანჟი'' 5:2 დაამარცხა.
პირველი ტაიმი ფრედ 1:1 დასრულდა. 49-ე წუთზე ტურპელის გოლით ''დუდელანჟი'' დაწინაურდა. დინო ტოპმიოლერის გუნდი ''სან სიროზე'' 66-ე წუთამდე იგებდა, თუმცა დარჩენილ დროში ''მილანმა'' 4 გოლი 14-წუთიან მონაკვეთში შეაგდო და 5:2 გაიმარჯვა.
''დუდელანჟის'' მაისურით ლევან ყენია მე-80 წუთზე გამოჩნდა მინდორზე. ქართველმა ლეგიონერმა პირველი გოლის ავტორი შტოლცი შეცვალა.
F ჯგუფში ''ბეტისი'' 11 ქულით პირველ ადგილზეა, მეორე პოზიციას ''ბეტისი'' იკავებს, ''ოლიმპიაკოსის'' ანგარიშზე 7 ქულაა, ხოლო ''დუდელანჟი'' 0 ქულით აუტსაიდერია.
28 წლის ლევან ყენიამ ევროპა ლიგის 3 მატჩში მიიღო მონაწილეობა და სამივე შეხვედრაში მეორე ტაიმში გამოჩნდა მინდორზე. საერთო ჯამში ქართველმა ფეხბურთელმა 40 წუთი ითამაშა.
ევროპა ლიგის ჯგუფური ეტაპის დასკვნით ტურში, 14 დეკემბერს ''დუდელანჟი'' ჯგუფის ლიდერ ''ბეტისს'' უმასპინძლებს.