გველესიანის მორიგი გოლი და მეოცნებე ხასიათი
ირანის საფეხბურთო ჩემპიონატის მე-13 ტურში აბადანის ''სანათ ნაფთისა'' და ''ნასაჯის'' შეხვედრა ფრედ 1:1 დასრულდა. ''ნასაჯის'' ქართველმა ლეგიონერმა გიორგი გველესიანმა 63-ე წუთზე ანგარიში გახსნა.
Sanat Naft 1:1 Nassaji Mazandaran
— Dima Shariqadze (@shariqadzedima) November 24, 2018
goal: 0:1 gvelesiani (63) pic.twitter.com/URqptEO914
მასპინძლებმა ანგარიშის გათანაბრება მესამე დამატებულ წუთზე მოახერხეს.
16-გუნდიან ლიგაში ''ნასაჯი'' 12 ქულით მე-12 ადგილზეა.
ამპლუით მცველმა გველესიანმა მიმდინარე სეზონში ირანის ჩემპიონატის 9 შეხვედრაში 3 გოლი გაიტანა. ''სანათ ნაფთისთან'' გატანილი გოლის შემდეგ 27 წლის მოთამაშემ სოციალურ ქსელში დაწერა: “ოცნებები სრულდება,წინააღმდეგ შემთხვევაში ღმერთი არ დაგვაჯილდოვებდა მეოცნებე ხასიათით. ესეც ჩემი მორიგი გოლი ⚽️''
თბილისის ''დინამოს'' ყოფილი ფეხბურთელი ირანის ჩემპიონატში მეორე სეზონს ატარებს. გასულ სეზონში ''ზობ აჰანის'' ღირსებას იცავდა და აზიის ჩემპიონთა ლიგაზე ითამაშა.
