ოფიციალურად ჯერარდი ''რეინჯერსის'' მთავარი მწვრთნელია
“ლივერპულის’’ ლეგენდარული ფეხბურთელი სტივენ ჯერარდი გლაზგოს “რეინჯერსის’’ მთავარი მწვრთნელი გახდა. ინგლისის ეროვნული ნაკრების ყოფილმა ფეხბურთელმა შოტლანდიურ კლუბთან ოთხწლიანი კონტრაქტი გააფორმა. ინფორმაცია ''რეინჯერსის'' ოფიციალურმა ვებგვერდმა დაადასტურა.
‘‘ჩემთვის დიდი პატივია “რეინჯერსის’’ მთავარ მწვრთნელად მუშაობა. მე დიდ პატივს ვცემ კლუბს, მის ისტორიასა და ტრადიციას. მოუთმენლად ველი სამუშაოს დაწყებას. ვაპირებთ მივაღწიოთ წარმატებებს, რომელსაც კლუბი წარსულში აღწევდა'' - აღნიშნა ინგლისელმა კლუბის ოფიციალურ ვებგვერდთან საუბარში.
''რეინჯერსის'' ქომაგები ''აიბროქსთან'' ახალი მთავარი მწვრთნელის პრესკონფერენციის დაწყებამდე
''რეინჯერსის'' ერთი ქომაგი ''აიბროქსთან'' პრესონფერენციის დაწყებამდე სტივენ ჯერარდის 4-ნომრიანი მაისურით მოვიდა. ''ლივერპულის'' ყოფილი ფეხბურთელი აღნიშნული ნომრით ეროვნულ გუნდში ასპარეზობდა.
Welcome To #RangersFC Steven Gerrard. ????⚪️???? pic.twitter.com/9wDYjU5kTz
— Rangers Football Club (@RangersFC) May 4, 2018
37 წლის სტივენ ჯერარდმა საფეხბურთო კარიერის უდიდესი ნაწილი ‘‘ლივერპულში’’ გაატარა. 1998-2015 წლებში არაერთი ინდივიდუალური პრიზი მოიგო. საკლუბო ტურნირებიდან აღსანიშნავია 2001 წელს უეფას თასის ფინალში გამარჯვება. ''ლივერპულმა'' 2005 წელს ჩემპიონთა ლიგის ფინალში შთამბეჭდავი გამარჯვება მოიპოვა და ჯერარდი გუნდის ერთ-ერთი ლიდერი იყო.
სტივენ ჯერარდმა კარიერის უკანასკნელი სეზონი ''ლოს-ანჯელეს გალაქსიში'' გაატარა და 2016 წელს ფეხბურთელის კარიერა დაასრულა. 2017-18 წლებში ჯერარდი ''ლივერპულის'' 18 წლამდე გუნდს ხელმძღვანელობდა. საფეხბურთო სპეციალისტი შოტლანდიურ გუნდში მუშაობას ზაფხულში შეუდგება.
''მას დავეხმარებით თუ ''იუნაიტედში'' ან ''ევერტონში'' არ წავა'' - კლოპმა ჯერარდზე ისაუბრა
