„ამოცანას თავი კარგად გავართვით“ - ტრუბინი საქართველოსთან ფრეზე

უკრაინის ეროვნული ნაკრების მეკარემ, ანატოლი ტრუბინმა, ერთა ლიგის B დივიზიონის მეორე ტურში საქართველოსთან ფრედ (0:0) დასრულებული მატჩი შეაჯამა.

რა თქვა ტრუბინმა:

ბოლო თვეების განმავლობაში მომხდარი მოვლენების შემდეგ, უპირველეს ყოვლისა, ძალიან მიხარია, რომ მაქვს შესაძლებლობა მოედანზე გავიდე და სათამაშო დრო მივიღო. ამიტომ ბედნიერი ვარ, რომ დღეს თამაში მოვახერხე და ასევე იმით, რომ ვაგრძელებ ეროვნულ ნაკრებში ასპარეზობას. ჩემთვის ეს დიდი პატივი და სიამაყეა.

დღეს შენ 30-ე მატჩი ჩაატარე ნაკრების შემადგენლობაში. ყველაზე მეტად რა დაგამახსოვრდა ამ თამაშიდან და როგორი გამოვიდა ის გუნდისთვის? ელოდით თუ არა მოვლენების სწორედ ასეთ განვითარებას?

რა თქმა უნდა, გამარჯვება გვსურდა. ამავდროულად, ალბათ, ჩვენ ჯერ არ გვითამაშია ყველას ერთად ასეთი შემადგენლობით. მიუხედავად ამისა, ვთვლი, რომ გუნდმა მთლიანობაში კარგად გაართვა თავი ამოცანას.

უდავოა, რომ შეგვიძლია და აუცილებლად განვიცდით პროგრესს, ამაში ასი პროცენტით ვარ დარწმუნებული. მაგრამ მთლიანობაში ეს კარგი შედეგია და უნგრეთთან გამარჯვების შემდეგ სწორი გაგრძელებაა.

ამ მატჩში სიმშვიდის ოსტატი გიწოდეს და ასევე „მატჩის ლომის“ წოდებაც მიიღე. რიგით მერამდენე „ლომია“ ეს შენთვის და რას ნიშნავს შენთვის ასეთი ჯილდო?

არ ვიცი, არ დამითვლია. ზოგადად, ძალიან მსიამოვნებს, რომ გულშემატკივრები ხმას მაძლევენ და აფასებენ ჩემს თამაშს, ამიტომ მათი ძალიან მადლიერი ვარ. თუმცა, ჩემთვის ყველაზე მნიშვნელოვანი გუნდის გამარჯვება რჩება. ჩემი მხრივ, ყველაფერს გავაკეთებ, რომ ჩვენმა ნაკრებმა გოლი არ გაუშვას.

საქართველოს ნაკრებს ჯგუფში 1 ქულა აქვს უნგრეთთან ერთად, რომელსაც ასევე 1 ქულა აქვს, მე-3-მე-4 ადგილს ინაწილებს, პირველ-მეორე ადგილებზე კი 4-4 ქულით ჩრდილოეთ ირლანდია და უკრაინა არიან.

აქვე გეტყვით, რომ რამაზ სვანაძის გუნდი მომდევნო შეხვედრას 2 ოქტომბერს, სტუმრად უნგრეთის წინააღმდეგ გამართავს, რის შემდეგაც 5 ოქტომბერს, ასევე სტუმრად ჩრდ. ირლანდიის ნაკრებს დაუპირისპირდება.