Crystalbet ეროვნული ლიგა | იბერიამ რუსთავს მოუგო და ქულებით გაუთანაბრდა
Crystalbet ეროვნული ლიგის 27-ე ტურის მატჩში საქართველოს მოქმედი ჩემპიონი, „იბერია 1999“ დავით პეტრიაშვილის სახელობის სტადიონზე „რუსთავს“ დაუპირისპირდა და დამაჯერებლად, 2:0 დაამარცხა.
ანგარიში 42-ე წუთზე ვაჰიდ სელიმოვიჩმა გიორგი ჯინჯოლავას გადაცემის შემდეგ გახსნა, 83-ე წუთზე კი ამირან ძაგანიამ „რუსთავის“ კარში მეორე გოლი გაიტანა.
ამ გამარჯვებით, „იბერია 1999“-მა 46 ქულა დააგროვა და სატურნირო ცხრილში მე-3 ადგილზე გადაინაცვლა. ამდენივე ქულა აქვს „რუსთავს“, რომელიც მეორე პოზიციაზეა და თბილისურ კლუბს ბურთების უკეთესი შეფარდების გამო უსწრებს, თუმცა, „იბერია 1999“-ს კონკურენტებთან შედარებით ერთით ნაკლები მატჩი აქვს გამართული და სამი ქულის მოპოვების შემთხვევაში, ცხრილში პირველ ადგილზე გადაინაცვლებს.
