ხეტაფე და კიდევ ორი ესპანური კლუბი | რუდი გალეტის ახალი ინფორმაცია ქოჩორაშვილზე
გიორგი ქოჩორაშვილის სატრანსფერო საგას დასასრული არ უჩანს. ავტორიტეტულმა ჟურნალისტმა, რუდი გალეტიმ ახალი პოსტი გამოაქვეყნა და თავისივე ინფორმაციაში, რომ ქართველი ფეხბურთელის „ხეტაფეში“ ტრანსფერი დახურული იყო, კორექტივები შეიტანა.
„ხეტაფესთან არსებული სიტუაციის მიუხედავად, ლისაბონის „სპორტინგი“ კვლავ მზადაა, „სევილიასა“ და „დეპორტივოს“ მოუსმინოს, რომლებიც ცდილობენ, „ხეტაფეს“ ქოჩორაშვილი თვალწინ ააცალონ.
ქართველი ნახევარმცველი ყველა ვარიანტისთვის ღია რჩება და მოვლენების განვითარებას მშვიდად ელოდება. ესპანურ კლუბებთან მოლაპარაკებები კი სულ უფრო და უფრო ინტენსიური ხდება“, — წერს გალეტი.
????⚠️ Despite the situation with Getafe, Sporting CP are still listening to Sevilla and Deportivo La Coruña, who are both trying to hijack the Kochorashvili deal.
— Rudy Galetti (@RudyGaletti) July 31, 2026
The Georgian midfielder remains open to all options and is calmly waiting as talks with the Spanish clubs intensify. https://t.co/4gkIx7sgC2 pic.twitter.com/CqWTo12BDQ
შეგახსენებთ, რომ ქოჩორაშვილთან დაკავშირებით ურთიერთგამომრიცხავი ინფორმაციები ვრცელდება. იმავე გალეტიმ დაწერა, რომ გიორგის „ხეტაფეში“ ტრანსფერი დახურული იყო, თუმცა, როგორც ჩანს, ვითარება შეიცვალა.
