„მესი ოქროს ბურთს იმსახურებს, მაგრამ...“ - რას ამბობს პიკე

ესპანეთის ნაკრებისა და „ბარსელონას“ ყოფილმა მცველმა, ჟერარ პიკემ ლიონელ მესის მიერ „ოქროს ბურთის“ მოგების შანსები შეაფასა:

ბევრი ამბობს, რომ მესი ამჟამად, ალბათ, ტურნირის საუკეთესო ფეხბურთელია. თუ ის მსოფლიო ჩემპიონატს მოიგებს, იქნება თუ არა ის „ოქროს ბურთის“ ღირსი?

იცით, „ოქროს ბურთზე“ საუბრისას, უკვე ვეღარ ვიგებ, კონკრეტულად რას აქვს მნიშვნელობა, რადგან კრიტერიუმები, როგორც ჩანს, ყოველწლიურად იცვლება. არასდროს ყოფილა მკაფიოდ განსაზღვრული, თუ რა ახდენს გავლენას გადაწყვეტილებაზე.

რა თქმა უნდა, ის დაიმსახურებდა ამ ჯილდოს – და, როგორც უკვე ვთქვი, ეს მისი გზის იდეალური დასასრული იქნებოდა. მაგრამ თუ ის მას მიიღებს, ბევრი ალბათ მიუთითებს იმაზე, რომ მნიშვნელოვანია მთლიანი სეზონი, ან რომ ის ისეთ ლიგაში თამაშობს, როგორიც MLS-ია... და, სავარაუდოდ, ისინი მართლები იქნებიან.

ზუსტად ასევე, თუ ესპანეთი გაიმარჯვებს და ჯილდოს როდრის მისცემენ, გამოჩნდებიან უკმაყოფილონი: რადგან, მიუხედავად მსოფლიო ჩემპიონატზე შესანიშნავი თამაშისა, სეზონის დიდი ნაწილი მან ტრავმის გამო გამოტოვა. ან თუ პრიზს ლამინს გადასცემდნენ, იგივე რეაქციას მივიღებთ.

შეგახსენებთ, რომ დღეს, მსოფლიო ჩემპიონატის ფინალში ერთმანეთს ესპანეთისა და არგენტინის ნაკრებები დაუპირისპირდებიან. მატჩი საქართველოს დროით 23:00 საათზე დაიწყება.