მე-5 დიდი სლემი კარიერაში - სინერმა უიმბლდონის ფინალში ზვერევი დაამარცხა
მსოფლიოს პირველმა ჩოგანმა იტალიელმა იანიკ სინერმა უიმბლდონის ფინალში გერმანელი ალექსანდრ ზვერევი 4 სეტში დაამარცხა – 6:7(7:9), 7:6(7:2), 6:3, 6:4.
24 წლის იტალიელმა ტიტული დაიცვა და დიდი სლემის ტურნირებზე მეხუთე ტიტული მოიპოვა. მანამდე ის ავსტრალიის ღია პირველობის (2024, 2025), აშშ-ის ღია პირველობისა (2024) და უიმბლდონის (2025) ჩემპიონი გახდა.
ის გაუთანაბრდა როდ ლეივერსა და ჯონ ნიუკომბს და ახლა მათთან ერთად ღია ერაში დიდი სლემის ტიტულების რაოდენობით ისტორიაში მე-14 ადგილს იყოფს. მოქმედ ჩოგბურთელებს შორის მას მესამე შედეგი აქვს. სინერზე მეტი ტიტული მხოლოდ ნოვაკ ჯოკოვიჩსა (24) და კარლოს ალკარასს (7) აქვთ.
გარდა ამისა, სინერმა ATP-ის დონის ტურნირებზე 30-ე ტიტული მოიპოვა. ახლა მისი სტატისტიკა ფინალებში 30:9-ზეა. მოქმედ მოთამაშეებს შორის მოგებული ტიტულების რაოდენობით ის მეორე ადგილს იკავებს და მხოლოდ ჯოკოვიჩს (101) ჩამორჩება.
UN MOMENT D’HISTOIRE ⭐️
— Univers Tennis ???? (@UniversTennis) July 12, 2026
Le moment où Jannik Sinner remporte son premier titre du Grand Chelem depuis un an en réalisant le doublé 2025-2026 à #Wimbledon
???? 100e victoire en Grand Chelem
???? 30e titre en carrière
???? 6e en 2026
C’EST BIEN LE PATRON. ☝️???? pic.twitter.com/gza8D6RKiC
ასევე, სინერმა დიდი სლემის ტურნირებზე მე-100 გამარჯვება მოიპოვა (ბალანსი – 100:22). ის გახდა მერვე მოქმედი მოთამაშე, რომელმაც ამ ნიშნულს მიაღწია.
მთლიანობაში, იტალიელმა სეზონში 44-ე მატჩი მოიგო. მისი ბალანსი მიმდინარე წელს 44:3-ზეა.
ასევე, იტალიელი გახდა მეათე ჩოგბურთელი ღია ერაში, რომელმაც უიმბლდონის ზედიზედ ორი ტიტულის მოგება შეძლო. მანამდე ეს შეძლეს:
როდ ლეივერი – 1968-1969 წლებში
ჯონ ნიუკომბი – 1970-1971 წლებში
ბიორნ ბორგი – 1976-1980 წლებში (ტიტულის ოთხჯერ დაცვა)
ჯონ მაკინროი – 1983-1984 წლებში
ბორის ბეკერი – 1985-1986 წლებში
პიტ სამპრასი – 1993-1995 წლებში (ტიტულის ორჯერ დაცვა) და 1997-2000 წლებში (ტიტულის სამჯერ დაცვა)
როჯერ ფედერერი – 2003-2007 წლებში (ტიტულის ოთხჯერ დაცვა)
ნოვაკ ჯოკოვიჩი – 2014-2015 და 2018-2022 წლებში (ტიტულის სამჯერ დაცვა, 2020 წელს ტურნირი პანდემიის გამო არ ჩატარებულა)
კარლოს ალკარასი – 2023-2024 წლებში.
