“ასე საქართველოსთან გაგვიჭირდება“ - მარკევიჩმა უკრაინის ნაკრები გააკრიტიკა
უკრაინის ეროვნული ნაკრების ყოფილმა მთავარმა მწვრთნელმა, მირონ მარკევიჩმა, დანიის ნაკრებთან ამხანაგური მატჩის შემდეგ გუნდის თამაშზე ისაუბრა და აღნიშნა, რომ დაცვის ხაზში არსებული პრობლემები კვლავ აქტუალურია.
შეხვედრა, რომელიც დანიის ნაკრებსა და უკრაინის ნაკრებს შორის გაიმართა, 65-ე წუთზე შეწყდა, რადგან დანიელთა ლიდერს, კრისტიან ერიქსენს, ჯანმრთელობის პრობლემა შეექმნა. იმ მომენტისთვის უკრაინა ანგარიშით 1:2 მარცხდებოდა.
მარკევიჩის შეფასებით, უკრაინამ დაცვის ორგანიზებაში სერიოზული შეცდომები დაუშვა, რაც მომავალში გაცილებით ძლიერ მეტოქეებთან შეიძლება ძვირად დაუჯდეს.
„თავდაჯერებულობის ნაკლებობა პოლონეთთან შეხვედრაშიც ჩანდა, თუმცა მაშინ მეტოქემ ამით ვერ ისარგებლა. დანიასთან კი იგივე პრობლემა კვლავ გამოჩნდა. წინ ერთა ლიგაზე უნგრეთთან და საქართველოსთან მატჩები გველის, ორივე გუნდს მაღალი დონის შემტევები ჰყავს და ასეთი თამაშით მათთან წარმატების მიღწევა რთული იქნება,“ — განაცხადა გამოცდილმა სპეციალისტმა.
მარკევიჩმა ასევე გაიხსენა ბოლო წლების რამდენიმე მნიშვნელოვანი შეხვედრა, რომლებშიც უკრაინამ მძიმე მარცხი განიცადა. მისი თქმით, ევროპის ჩემპიონატზე რუმინეთთან, ერთა ლიგაზე ბელგიასთან და მსოფლიო ჩემპიონატის საკვალიფიკაციო ეტაპის პლეი-ოფში შვედეთთან მატჩებში უკრაინის ნაკრებმა თითოეულ შეხვედრაში სამი გოლი გაუშვა, რაც დაცვის სისტემურ პრობლემებზე მიუთითებს.
შეგახსენებთ, რომ შემოდგომაზე ერთა ლიგის ჯგუფურ ეტაპზე უკრაინა საქართველოს, უნგრეთი და ჩრდილოეთ ირლანდიის ნაკრებს დაუპირისპირდება.
საქართველოსა და უკრაინის ნაკრებების პირველი შეხვედრა 28 სექტემბერს თბილისში გაიმართება და ჯგუფში ერთ-ერთი ყველაზე საინტერესო დაპირისპირება იქნება.
