Karate Combat 60: ლიანა ჯოჯუას ბრძოლა ოფიციალურად ჩაინიშნა
MMA-ს ქართველი მებრძოლი ლიანა ჯოჯუა 27 მარტს ეკატერინბურგში, Karate Combat 60 ტურნირზე გამოვა, მისი მეტოქე კი რუსი დიანა პოგოსიანი იქნება.
ქალთა ორთაბრძოლა ღონისძიების ორგანიზატორებმა ოფიციალურად დააანონსეს.
2021 წელს UFC-დან ზედიზედ ორი მარცხის შემდეგ წამოსვლის შემდეგ, ლიანა ჯოჯუამ ორი ბრძოლა ჩაატარა: Ares FC-ის ეგიდით მსაჯების ერთსულოვანი გადაწყვეტილებით დათმო შეხვედრა რუს დარია ჟელეზნიაკოვასთან, თბილისში გამართულ GFC 29 ტურნირზე კი ტექნიკური ნოკაუტით დაამარცხა ბრაზილიელი ჟაკლინ ფერეირა.
რაც შეეხება დიანა პოგოსიანს, ის MMA-ში რუსეთის ჩემპიონია, პანკრატიონში მოსკოვის თასის ორგზის გამარჯვებულია და მის აქტივში შერეულ ორთაბრძოლებში სამი პროფესიონალური გამარჯვებაა.
