როგორც მოსალოდნელი იყო | კვარაცხელია ჩემპიონთა ლიგის სიმბოლურ ნაკრებში
ჩემპიონთა ლიგის მერვედფინალის პირველ შეხვედრაში „პარი სენ-ჟერმენი“ „პარკ დე პრენსზე“ „ჩელსის“ დაუპირისპირდა. ლუის ენრიკეს გუნდმა მეოთხედფინალში გასასვლელად მნიშვნელოვანი ნაბიჯი გადადგა და „არისტოკრატები“ 5:2 დაამარცხა.
ხვიჩა კვარაცხელიამ პარიზული გრანდის წარმატებაში უდიდესი წვლილი შეიტანა. ქართველმა ფეხბურთელმა მატჩი სათადარიგოთა სკამზე დაიწყო და თამაშში 62-ე წუთზე ჩაერთო, თუმცა მცირე დროში დუბლი და საგოლე გადაცემა მაინც მიითვალა. „კვარა“ შეხვედრის საუკეთესო ფეხბურთელად დაასახელეს და ჩემპიონთა ლიგის კვირის სიმბოლურ ნაკრებშიც მოხვდა.
ჩემპიონთა ლიგის კვირის სიმბოლური ნაკრები: ტიბო კურტუა, რობინ ლე ნორმანდი, რობერტ ანდრიხი, იოზიპ სტანისიჩი, ისმაილ ჯეიკობსი, მარიო ლემინა, ფედერიკო ვალვერდე, სონდრე ბრუნსტად ფეტი, მაიკლ ოლისე, ხულიან ალვარესი, ხვიჩა კვარაცხელია.
Introducing your Team of the Week ????@cryptocom | #UCLTOTW pic.twitter.com/8C63EuPRrb
— UEFA Champions League (@ChampionsLeague) March 12, 2026
ცნობისთვის, ავტორიტეტულმა სტატისტიკურმა სააგენტომ, Sofascore-მა „კვარას“ თამაში 9.2 ქულით შეაფასა და სიმბოლურ ნაკრებშიც შეიყვანა. Sofascore-მა კვარაცხელიას გარდა კიდევ ორი შემტევი გამოარჩია: მაიკლ ოლისე (10), ხულიან ალვარესი (10).
