ბითაძის 4 ქულა - ორლანდო ფინიქსთან დამარცხდა
NBA-ს რეგულარული სეზონის მორიგ ტურში ორლანდო ფინიქსს ესტუმრა და მძიმე ბრძოლაში 110:113 დამარცხდა. გამარჯვებულის გამოსავლენად ოვერ ტაიმი გახდა საჭირო.
გოგა ბითაძე სათადარიგოთა სკამზე მოგვევლინა და პარკეტზე მხოლოდ 8 წუთი და 43 წამი დაყო.
ამ პერიოდის განმავლობაში ქართველმა კალათბურთელმა 4 ქულას და 3 მოხსნას მოუყარა თავი.
გოგამ 100%-იანი შედეგი დააფიქსირა. ორჯერ სცადა 2-ქულიანის ჩაგდება და ორივე ზუსტი იყო. სამი მოხსნა კი საკუთარ ფარზე შეასრულა. ჯამში ბითაძემ 2 პერსონალური ფოლი მიიღო.
ამ მატჩის შემდეგ, ორლანდო აღმოსავლეთ კონფერენციაში მე-8 ადგილს იკავებს. შემდეგ ტურში კი ლოს-ანჯელეს კლიპერსს დაუპირისპირდება.
