ლონდონური მედია: ტოტენჰემი მიქაუტაძის გადაბირებას გეგმავს

ბოლო პერიოდში გიორგი მიქაუტაძის ვილიარეალში სათამაშო წუთები მნიშვნელოვნად შემცირდა. ამის პარალელურად კი ქართველი თავდამსხმელის მომავალთან დაკავშირებით ახალი ცნობები გაჩნდა.

ლონდონური გამოცემა TheboyHotspur საინტერესო ინფორმაციას ავრცელებს.

„ტოტენჰემს სუფთა 9-იანი აკლია, რომელიც საჯარიმოში სარგებლიანი ქმედების გარდა, მცველებთან გამკლავებას შეძლებს. მიქაუტაძე დეზებისთვის იდეალური ვარიანტი იქნება. ქართველ თავდამსხმელს შეუძლია სონის იდეალური შემცვლელი გახდეს, რადგან მას, როგორც ცენტრალურ თავდამსხმელად, ისე მარცხენა ფლანგზე შეუძლია თამაში.“

თუ აღნიშნულ წყაროს დავუჯერებთ, ლონდონური კლუბი ჟორჟის სანაცვლოდ მზად არის 50 მილიონი ევრო გადაიხადოს, თუმცა ტრანსფერი რთულად წარმოსადგენია იმის გათვალისწინებით, რომ მიქაუტაძეს ვილიარეალთან კონტრაქტი 2031 წლამდე აკავშირებს.

შეგახსენებთ, რომ გიორგიმ დღემდე ყველა ტურნირზე ერთად ყვითელი წყალქვეშა ნავის მაისური 13-ჯერ მოირგო, 4 გოლი გაიტანა და 2 საგოლე გადაცემა შეასრულა.