ოფიციალურად - კანავარომ უზბეკეთის ნაკრები ჩაიბარა
იტალიის ნაკრების ლეგენდარულმა მცველმა, ფაბიო კანავარომ, უზბეკეთის ნაკრები ოფიციალურად ჩაიბარა.
52 წლის სპეციალისტმა ამ პოსტზე ტიმურ კაპაძე შეცვალა, რომელთან ერთადაც გუნდმა 2026 წლის მსოფლიო ჩემპიონატზე გასვლა მოახერხა.
გავრცელებული ინფორმაციით, ეს უკანასკნელი კანავაროს თანაშემწე გახდა.
შეგახსენებთ, რომ იტალიელი მწვრთნელის ბოლო სამუშაო ადგილი ზაგრების „დინამო“ იყო.
გეტყვით ასევე, რომ კანავარო, რომელსაც უამრავ სხვა ჯილდოსთან ერთად მსოფლიო ჩემპიონატი და „ოქროს ბურთი“ აქვს მოგებული, „ინტერის“ ღირსებას 2002-2004 წლებში იცავდა.
