ბარსელონამ შესაძლოა კარიმ ადეიემი დაიმატოს
„ბარსელონამ“ შესაძლოა კარიმ ადეიემი იყიდოს. ამის შესახებ Sky Sport-ი იუწყება.
კატალონიური კლუბი თვალს ადევნებს 23 წლის გერმანელი ვინგერის ირგვლივ არსებულ სიტუაციას, რომლის კონტრაქტი „დორტმუნდთან“ 2027 წლის ივნისში იწურება.
„ბარსელონამ“ შესაძლოა მომავალ ზაფხულს სცადოს ფეხბურთელის გადაბირება, თუ ის გერმანულ კლუბთან ხელშეკრულების გაგრძელებაზე შეთანხმებას ვერ მიაღწევს.
მიმდინარე სეზონში, კარიმ ადეიემიმ 8 მატჩში 3 გოლი გაიტანა და 3 საგოლე გადაცემა გააკეთა.
გეტყვით ასევე, რომ ის გერმანული კლუბის ღირსებას 2022 წლიდან იცავს. Transfermarkt-ზე მისი საბაზრო ღირებულება 45 მილიონ ევროს შეადგენს.
