ესპანეთს საქართველოსთან კიდევ ერთი ლიდერი ვერ დაეხმარება
ესპანეთის ეროვნულ ნაკრებს საქართველოსთან მატჩში კიდევ ერთი ლიდერი დააკლდება. ოფიციალური ინფორმაციით, ლუის დე ლა ფუენტეს გუნდს ტრავმის გამო 2024 წლის ოქროს ბურთის გამარჯვებული, როდრი გამოაკლდა.
ესპანელმა ნახევარმცველმა პრემიერ ლიგის მე-7 ტურში, „ბრენტფორდის“ წინააღმდეგ ტრავმა მიიღო, რის გამოც მოედნის დატოვება ნაადრევად მოუწია.
„როდრიგო ერნანდესი 2026 წლის მსოფლიო ჩემპიონატის შესარჩევი მატჩების განაცხადიდან ტრავმის გამო იქნა ამოღებული. მისი დაზიანება RFEF-ის სემედიცინო სამსახურის მიმართ გაგზავნილი ტესტების პასუხების შედეგად გამოვლინდა“, - ნათქვამია ესპანეთის ფეხბურთის ფედერაციის განცხადებაში.
თავის მდგომარეობაზე „ბრენტფორდთან“ მატჩის შემდეგ როდრიმაც ისაუბრა.
„თავს კარგად ვგრძნობ, მაგრამ სანაკრებო პაუზაზე არ გავრისკავთ. იმედი მაქვს, ორ კვირაში, „ევერტონთან“ მატჩისთვის მზად ვიქნები“, - განაცხადა ფეხბურთელმა.
ცნობისთვის, როდის გარდა ესპანეთის ნაკრებს საქართველოდან ლამინ იამალი, ნიკო უილიამსი და ფაბიან რუისიც ვერ დაეხმარება. ჩვენს გუნდს კი ამ მატჩში დიდი ალბათობით, ხვიჩა კვარაცხელია დააკლდება.
შეგახსენებთ, რომ საქართველოსა და ესპანეთის ნაკრებების დაპირისპირება ელჩეში 11 ოქტომბერს, თბილისის დროით 23:00 საათზე გაიმართება. ზუსტად 3 დღეში კი ჩვენი გუნდი იზმიტში, თურქეთის ნაკრებს შეხვდება.
