ვინ შეცვლის მოურინიოს - ფენერბაჰჩეს 2 არჩევანი
ჟოზე მოურინიოს დათხოვნის შემდეგ, „ფენერბაჰჩე“ მთავარი მწვრთნელის პოსტზე 2 კანდიდატურას განიხილავს.
როგორც ჟურნალისტი იაგიზ საბუნჯოღლუ წერს, თურქული კლუბი ლუჩანო სპალეტისა და ენჯ პოსტეკოგლუს დაუკავშირდა.
შეგახსენებთ, რომ სპალეტი ბოლოს იტალიის ნაკრებს წვრთნიდა, პოსტეკოგლუ კი „ტოტენჰემს“ ავარჯიშებდა.
გეტყვით ასევე, რომ „ფენერბაჰჩემ“ მოურინიო მას შემდეგ გაათავისუფლა, რაც კლუბმა ჩემპიონთა ლიგის ჯგუფურ ეტაპზე გასვლა ვერ შეძლო. პორტუგალიელი სპეციალისტის გაწვრთნილი გუნდი პლეი-ოფში „ბენფიკასთან“ დამარცხდა.
