ოფიციალურად - ჯეიმი ვარდი კრემონეზეს ფეხბურთელია
ჯეიმი ვარდი „კრემონეზეს“ ფეხბურთელი გახდა. იტალიურმა კლუბმა ინგლისელი ფეხბურთელი თავისუფალი აგენტის სტატუსით გაიფორმა.
38 წლის ფეხბურთელთან 1-წლიანი კონტრაქტი გაფორმდა, კიდევ 1 სეზონით გაგრძელების ოფციით.
შეგახსენებთ, რომ ჯეიმიმ „ლესტერი“ აპრილში დატოვა, სადაც ის 2012 წლიდან თამაშობდა.
გეტყვით ასევე, რომ ინგლისელმა „ლესტერის“ შემადგენლობაში, ყველა ტურნირზე 496 მატჩი ჩაატარა, 198 გოლი გაიტანა და 69 ასისტი მიითვალა. კლუბთან ერთად, ვარდი გახდა ინგლისის ჩემპიონი და ასევე მოიგო ქვეყნის თასი და სუპერთასი.
