ასე სწრაფად არავინ გაუშვიათ | ლევერკუზენმა ერიკ ტენ ჰაგი გაათავისუფლა
„ლევერკუზენმა“ ოფიციალური განცხადება გაავცელა და ერიკ ტენ ჰაგის გაშვება დაადასტურა. „ფარმაცევტებმა“ ბუნდესლიგის სეზონი ცუდად დაიწყეს და „ჰოფენჰაიმთან“ 1:2 დამარცხდნენ, „ვერდერთან“ კი ფრედ, 3:3 ითამაშეს, რაც ნიდერლანდელ სპეციალისტს არ აპატიეს.
„ეს მარტივი გადაწყვეტილება არ ყოფილა და ამ ნაბიჯის გადადგმა არავის უნდოდა, თუმცა ბოლო რამდენიმე კვირამ აჩვენა, რომ ახალი და წარმატებული გუნდის შექმნა ამ სამწვრთნელო შტაბთან ერთად შეუძლებელია. მტკიცედ გვჯერა, ჩვენი გუნდის ხარისხის და ახლა ყველაფერს გავაკეთებთ, რათა მომდევნო ნაბიჯით შემადგენლობა გავაძლიეროთ“, - განაცხადა „ლევერკუზენის“ სპორტულმა დირექტორმა, სიმონ როლფესმა.
Bayer 04 Leverkusen has parted ways with head coach Erik ten Hag with immediate effect.
— Bayer 04 Leverkusen (@bayer04_en) September 1, 2025
Training will be taken over by the assistant coaching staff for the time being. pic.twitter.com/aKrEtySB46
საინტერესოა, რომ ტენ ჰაგის გაშვება რეკორდულ დროში მოხდა. ნიდერლანდელი სპეციალისტი ბუნდესლიგის ისტორიაში პირველი მთავარი მწვრთნელია, რომელმაც გუნდი ზაფხულში ჩაიბარა და ორი ტურის შემდეგ პოსტი დაატოვებინეს.
