ვილიარეალთან ერთ ნაბიჯშია | ახალი ცნობები მიქაუტაძის ტრანსფერზე
„ლიონის“ ქართველი ფეხბურთელის, გიორგი მიქაუტაძის თაობაზე უცხოურ პრესაში ახალი ინფორმაცია გავრცელდა. 24 წლის თავდამსხმელის მომავალზე ცნობილმა სატრანსფერო ექსპერტებმა, საშა ტავოლიერიმ და ფაბრის ჰოკინსმა დაწერეს.
„მიქაუტაძე ვილიარეალს უახლოვდება და კლუბთან გრძელვადიანი კონტრაქტი შეათანხმა. ლიონი და ვილიარეალი გარიგების დახურვასთან, რომელიც 30 მილიონი ევროს ოდენობის იქნება, ახლოს არიან“, - წერს ჰოკინსი.
„მიქაუტაძე ვილიარეალთან ერთ ნაბიჯშია. ესპანურ კლუბსა და ლიონს შორის პრინციპული შეთანხმება შედგა და ტრანსფერის ღირებულება 25 მილიონი ევრო იქნება, რასაც 5 მილიონი ევროს ოდენობის ბონუსები დაემატება. მიქაუტაძე 5-წლიან კონტრაქტს გააფორმებს“, - დასძენს ტავოლიერი.
???????? Georges Mikautadze à UN PAS de Villarreal !
— Sacha Tavolieri (@sachatavolieri) August 29, 2025
????Accord de principe entre le club espagnol et l’Olympique Lyonnais autour de €25M + €5M en bonus.
????️ Un accord total attendu ce soir.
✍???? 5 ans de contrat.
???? Exclusivité du 27 août sur le point d’être confirmé. #mercato #OL pic.twitter.com/ljV4J3RJtM
ცნობისთვის, „ვილიარეალის“ გარდა მიქაუტაძის გადაბირებით „ასტონ ვილა“ ინტერესდება. ბოლო საათებში ბირმინგემულ კლუბზე აქტიურად იწერება და გავრცელდა ინფორმაცია, რომ „ასტონ ვილამ“ მიქაუტაძესთან პირადი კონტრაქტის დეტალები შეათანხმა. როგორც ჩანს, ვითარება შეიცვალა და ქართველმა ფეხბურთელმა ყურადღება „ვილიარეალზე“ გადაიტანა.
