ფაბრიციო რომანომაც დაადასტურა | მიქაუტაძე ლიონიდან ვილიარეალში
ფეხბურთის ქართველი გულშემატკივრებისთვის დღის მთავარი თემა გიორგი მიქაუტაძის მომავალია. „ლიონის“ თავდამსხმელს „ვილიარეალსა“ და „ასტონ ვილას“ უკავშირებდნენ და „ყვითელმა წყალქვეშა ნავმა“ მიზანს მიაღწია.
საშა ტავოლიერის, ფაბრის ჰოკინსისა და Footmercato-ს შემდეგ მიქაუტაძის წასვლა ავტორიტეტულმა სატრანსფერო ექსპერტმა, ფაბრიციო რომანომაც დაადასტურა. მან სოციალურ ქსელში პოსტი გამოაქვეყნა და დეტალების შესახებ დაწერა.
„ვილიარეალმა გიორგი მიქაუტაძის ტრანსფერი დახურა. Here we go! ფრენა შაბათს დაიჯავშნა, სამედიცინო შემოწმება - კვირას. ლიონი 30 მილიონ ევროს მიიღებს. ვილიარეალი მიქაუტაძეზე მას შემდეგ გადაერთო, რაც დოვბიკის გარიგება ჩაიშალა“, - წერს რომანო.
???????? Villarreal have sealed the deal to sign Georges Mikautadze, here we go! ????????
— Fabrizio Romano (@FabrizioRomano) August 29, 2025
Flight booked on Saturday, medical on Sunday and €30m transfer fee to OL.
Mikautadze, the special signing wanted by Villarreal as Dovbyk deal was never done. @MatteMoretto ???????? pic.twitter.com/mA3mtdeJbL
მიქაუტაძემ „ლიონის“ მაისურით ორი შეხვედრა ჩაატარა და „ლანსს“ გაუტანა. ქართველ ფეხბურთელს ფრანგულ კლუბთან კონტრაქტი 2028 წლის ზაფხულამდე აკავშირებს. Transfermarkt-ზე მისი საბაზრო ღირებლება 22 მილიონი ევროა.
