მადალენას მწვრთნელი: თოფურია ჯუჯაა, ჯობია მსუბუქ წონაში დარჩეს

ქვესაშუალო წონაში UFC-ის ჩემპიონის, ჯეკ დელა მადალენას მწვრთნელმა, ბენ ვიკერსმა Submission Radio-ის ეთერში ილია თოფურიაზე ილაპარაკა.

მისი თქმით, „ელ მატადორისთვის“ უმჯობესია, რომ დივიზიონი არ შეიცვალოს.

„ილია ჩემი სიმაღლისაა, მე კი ჯუჯა ვარ. უმჯობესია თავის ადგილზე დარჩეს. დივიზიონის შეცვლა და ჯეკთან დაპირისპირება მისთვის ძალიან ცუდი გადაწყვეტილება იქნება. ჯეკი ფიზიკურად უფრო დიდია“, - თქვა ვიკერსმა.

შეგახსენებთ, რომ „ელ მატადორმა“ ბოლოს ივნისის ბოლოს იბრძოლა, როდესაც ჩარლზ ოლივეირა პირველ რაუნდში ნოკაუტით დაამარცხა და მსუბუქი წონის ქამარი მოიპოვა.

თოფურიას მომდევნო სავარაუდო მეტოქეთა სიაში ჯასტინ გეიჯის გარდა, არმან ცარუკიანი და პედი პიმბლეტი იმყოფება.