იბერიამ ტორპედო დაამარცხა და საქართველოს თასის 1/4-ფინალშია

დავით ყიფიანის სახელობის საქართველოს თასის 1/8-ფინალში „იბერია“ ქუთაისის „ტორპედოს“ დაუპირისპირდა და 2:1 გაიმარჯვა.

შეხვედრაში ანგარიში 24-ე წუთზე გიზი მამაგეიშვილის ულამაზესი დარტყმით გაიხსნა. ტაიმის მიწურულს 44-ე წუთზე ქუთაისელებმა პენალტის დარტყმის უფლება მოიპოვეს, რომელიც ვლადიმერ მამუჩაშვილმა ზუსტად შეასრულა და პირველი ნახევარი ფრედ დასრულდა.

მეორე ნახევარი „იბერიას“ უპირტესობით დაიწყო და საბოლოოდ ლოგიკური შედეგითაც დასრულდა. გამარჯვების მომტანი გოლი 84-ე წუთზე გავიდა. იური ტაბატაძემ პენალტი ზუსტად შეასრულა და თავისი გუნდი მეოთხედფინალში გაიყივანა.

აქვე გეტყვით, რომ გია გეგუჩაძის გაწვრთნილი (სადებიუტო მატჩი) „იბერია“ მეოთხედფინალში ტყიბულის „მეშახტეს“ შეხვდება.

ამჟამად ცნობილი მეოთხედფინალური წყვილები ასეთია:

მეშახტე V იბერია

ლოკომოტივი V დინამო ბათუმი

რუსთავი VS სამტრედია

დილა VS სპაერი/კოლხეთი