ლამაზი შესრულება | მიქაუტაძემ გაიტანა, ლიონმა მალიორკას 4:0 მოუგო
გიორგი მიქაუტაძის „ლიონი“ ახალი სეზონისთვის ემზადება. ქართველი ფეხბურთელის გუნდმა მორიგი ამხანაგური შეხვედრა გამართა და „მალიორკას“ დაუპირისპირდა. „ლიონმა“ ესპანურ გუნდს შანსი არ დაუტოვა და 4:0 მოიგო.
მიქაუტაძემ ძირითად შემადგენლობაში დაიწყო და მოედანზე 72 წუთი გაატარა. ქართველმა თავდამსხმელმა გოლიც გაიტანა და მე-20 წუთზე ანგარიში 2:0 გახადა. გიორგის მანამდე ერთი მომენტი ჰქონდა, თუმცა მეკარემ აუღო, მეოთხე გოლი კი მის აქტიურობას მოჰყვა. მიქაუტაძემ ზედიზედ მეორე ამხანაგურ თამაშში შეაგდო და „მალიორკამდე“ „ჰამბურგის“ კარი აიღო.
მიქაუტაძის გარდა, „ლიონის“ რიგებში თავი აბნერ ვინისიუსმა გამოიჩინა. ბრაზილიელმა მე-15 წუთზე საკუთარი გუნდი დააწინაურა, 29-ზე კი დუბლი მიითვალა. „ლიონის“ მეოთხე გოლის ავტორი ხალის მერა გახლავთ.
L'ouverture de Clinton Mata pour Georges Mikautadze qui vient se jouer de son défenseur pour marquer ensuite ????????
— Olympique Lyonnais (@OL) July 30, 2025
???? La seconde période de #RCDMOL, c'est dans quelques secondes sur @OLPLAY_Officiel et la Zone Membre YouTube ???? https://t.co/l0oJWKFgGT pic.twitter.com/Ds79Yh4ISp
ცნობისთვის, ახალი სეზონის დაწყებამდე, „ლიონს“ კიდევ ორი ამხანაგური შეხვედრა ელის. 2 აგვისტოს, ფრანგული კლუბი „ბაიერნს“ დაუპირისპირდება, 9-ში კი „ხეტაფეს“ შეხვდება. „ლიონი“ სეზონს 16 აგვისტოს, „ლანსთან“ მატჩით ხსნის.
