პსჟ-ს მორიგი ტრიუმფი - კვარა საკლუბო ჩემპიონატის ფინალშია

მსოფლიო საკლუბო ჩემპიონატის ნახევარფინალში, ხვიჩა კვარაცხელიას „პარი სენ-ჟერმენი“ მადრიდის „რეალს“ დაუპირისპირდა და დიდი ანგარიშით გაანადგურა.

მატჩი, რომელსაც ნიუ-ჯერსის შტატში მდებარე „მეტლაიფ არენა“ მასპინძლობდა, 4:0 დასრულდა.

შეხვედრაში ანგარიში მე-6 წუთზე ფაბიან რუისმა გახსნა, მე-9 წუთზე კი უსმან დებელემ ანტონიო რუდიგერის შეცდომით ისარგებლა და თავისი გუნდის უპირატესობა გააორმაგა.

24-ე წუთზე რუისმა დუბლი გაიფორმა, 87-ე წუთზე კი ტიბო კურტუას კარი, შეცვლაზე შემოსულმა გონსალო რამოსმა აიღო.

კვარას მომენტები:

 

შეგახსენებთ, რომ მსოფლიო საკლუბო ჩემპიონატის ფინალში პარიზელები ლონდონის „ჩელსის“ დაუპირისპირდებიან. გადამწყვეტი მატჩი 13 ივლისს, თბილისის დროით, 23:00 საათზე დაიწყება.

თუ ლუის ენრიკეს გუნდი ამ შეხვედრასაც მოიგებს, ეს 2025 წელს მათი მეხუთე ტიტული იქნება.

მიმდინარე წლის იანვარში პსჟ-მ საფრანგეთის სუპერთასი მოიგო, შემოდგომაზე ჩემპიონატი, საფრანგეთის თასი და ჩემპიონთა ლიგა.