1 მილიონი თითო მოთამაშეს - მსოფლიოს საკლუბო ჩემპიონატის მოგების შემთხვევაში
ფლორენტინო პერესი „რეალის“ ფეხბურთელებს მსოფლიოს საკლუბო ჩემპიონატის მოგების შემთხვევაში 1 მილიონი ევროს ბონუსს დაჰპირდა.
შაბათს, მადრიდული კლუბი მეოთხედფინალში „დორტმუნდს“ დაუპირისპირდება და გამარჯვების შემთხვევაში პსჟ „ბაიერნის“ წყვილიდან გასულს შეხვდება.
„რეალი“ მზადაა, გამარჯვების შემთხვევაში თითოეულ მოთამაშეს თითო მილიონი ევრო გადაუხადოს - ეს ყველაზე დიდი ბონუსია, რაც „სამეფო კლუბს“ ფეხბურთელებისთვის ოდესმე შეუთავაზებია.
ასევე ვრცელდება ინფორმაცია, რომ უკვე იანვარში „რეალმა“ საკლუბო მსოფლიო ჩემპიონატი არა ჩვეულებრივ წინასასეზონო მოგზაურობად, არამედ ჩემპიონთა ლიგის დონის ტურნირად განიხილა.
ზემოხსენებული შეტყობინება „რეალის“ პრეზიდენტის ფლორენტინო პერესისგან მოვიდა და ფეხბურთელებს გადაეცათ. პერესი უკვე ორჯერ ჩაფრინდა შეერთებულ შტატებში და კლუბის მატჩებს დაესწრო.
შეგახსენებთ, რომ მსოფლიოს საკლუბო ჩემპიონატის გამარჯვებულ კლუბს ფინანსური სარგებლის სახით 125 მილიონი დოლარი გადაეცემა.
