საქართველოს წყალბურთის ნაკრები ევროპის ჩემპიონატზე იასპარეზებს

საქართველოს წყალბურთელთა ნაკრებმა ევროპის ჩემპიონატის საგზური მოიპოვა.

შესარჩევი ეტაპის მეორე ტურის შეხვედრაში, ჩვენი გუნდი შვეიცარიას დაუპირისპირდა და ანგარიშით 29:5 დაამარცხა.

საქართველოს ნაკრების შემადგენლობაში, 4-4 გოლით ბომბარდირები ახვლედიანი, დადვანი და მაგრაქველიძე გახდნენ.

ჯგუფის მეორე შეხვედრაში, ისრაელის ნაკრებმა ბულგარეთი 16:9 დაამარცხა და ასევე ევროპის ჩემპიონატის საგზური მოიპოვა.

ქართველი წყალბურთელები მომდევნო შეხვედრას 11 ივნისს, ისრაელთან გამართავენ.