„ველით, რომ ქართველები ასე გვეთამაშებიან...“ - რას ამბობს უნგრეთის მწვრთნელი

უნგრეთის ნაკრების მთავარმა მწვრთნელმა, მარკო როსიმ საქართველოსთან მატჩამდე რამდენიმე დღით ადრე თავის გუნდის სამზადისზე ისაუბრა და ქართველებისგან მოსალოდნელი საფრთხეებიც შეაფასა.

რას ამბობს როსი:

„ჩვენს ორივე მეტოქეს ძალიან კარგად ვიცნობთ, რადგან ორივე მათგანს სულ ახლახან ვეთამაშეთ,“ - განაცხადა როსიმ, სანამ ორივე გუნდის მოკლე ანალიზს შემოგვთავაზებდა. „ველოდებით, რომ საქართველო ოდნავ განსხვავებულ ტაქტიკურ მიდგომას გამოიყენებს იმასთან შედარებით, რაც გასული თვის დასაწყისში ჩვენს მატჩში გამოიყენეს. იმ თამაშის მეორე ტაიმში მათ 4-2-3-1 ფორმაცია გამოიყენეს, ამიტომ ვვარაუდობთ, რომ ამჯერად ისინი სავარაუდოდ თავიდანვე ამ სქემას აირჩევენ. მათი საუკეთესო მოთამაშე, ხვიჩა კვარაცხელია, ტრავმის გამო დააკლდებათ და მართალია ვერ ვიტყვი, რომ მისი „ჩანაცვლება“ შესაძლებელია, რადგან მისი კალიბრის მოთამაშის შემცვლელის პოვნა შეუძლებელია, მის პოზიციას დაიკავებს კიდევ ერთი შესანიშნავი ფეხბურთელი - კვერნაძე, რომელიც იტალიურ კლუბ „ფროზინონეში“ თამაშობს. მოკლედ რომ ვთქვათ, საქართველო ძლიერი გუნდია, რომელიც განსაკუთრებით საშიშია საკუთარ მოედანზე და თითქმის დარწმუნებით შეიძლება ითქვას, რომ ისინი უფრო მეტი შემტევი განზრახვით ითამაშებენ, ვიდრე ეს „პუშკაშ არენაზე“ გააკეთეს.“

უნგრეთის ნაკრები საქართველოს 14 ნოემბერს „დინამო არენაზე“ დაუპირისპირდება, ჯგუფის ბოლო შეხვედრას კი ჩრდილოეთ ირლანდიასთან 17 ნოემბერს, საკუთარ მოედანზე გამართავს. ჩვენი მომავალი მეტოქე სატურნირო ცხრილში 7 ქულით მეორე პოზიციაზე იმყოფება.