პსჟ-ს აჯობეს - რეალი 17 წლის არგენტინელ ტალანტს იფორმებს
17 წლის არგენტინელმა ტალანტმა ფრანკო მასტანტუონომ მადრიდის „რეალთან“ პირადი კონტრაქტის დეტალები შეათანხმა. ფაბრიციო რომანო წერს, რომ „სამეფო კლუბი“ ფეხბურთელს 2031 წლამდე გაიფორმებს.
TyC Sports-ის ცნობით, „რივერ პლეიტის“ შემტევი ნახევარმცველის „რეალში“ ტრანსფერი არგენტინული ფეხბურთის ისტორიაში ყველაზე ძვირი იქნება. მადრიდელები მასტანტუონოს სანაცვლოდ 45 მილიონ ევროს გადაიხდიან.
???? Real Madrid are closing in on Franco Mastantuono deal, here we go soon! ????????????
— Fabrizio Romano (@FabrizioRomano) June 6, 2025
Battle over as Real Madrid have total agreement on personal terms with Mastantuono.
Final negotiations with River on a different structure instead of $45m clause… then, all done. pic.twitter.com/ScaBzWwnSu
ESPN წერს, რომ ფეხბურთელი უკვე მადრიდში სახლისთვის ადგილსაც არჩევს.
როგორც მოგეხსენებათ, მასტანტუონო პსჟ-ში გადასვლასთან იყო ახლოს, მაგრამ გარიგება მას შემდეგ ჩაიშალა, როცა საქმეში „რეალი“ ჩაერთო.
მასტანტუონოს დღეს არგენტინის ნაკრებში დებიუტი ჰქონდა. 17 წლის ფეხბურთელმა მსოფლიო ჩემპიონატის საკვალიფიკაციო ეტაპზე ჩილეს წინააღმდეგ (1:0) ითამაშა.
რაც შეეხება მის სათამაშო პროფილს, მასტანტუონო ცაცია გახლავთ. შეტევაში მარჯვენა გარემარბის, გამთამაშებლისა და მეორე ფორვარდის პოზიციების მორგებაც შეუძლია. როგორც გამოიყენებენ მას მადრიდში, ამას უკვე ჩაბი ალონსო გადაწყვეტს. არგენტინელი „ლოს ბლანკოსს“ მსოფლიოს საკლუბო ჩემპიონატის დასრულების შემდეგ შეუერთდება.
„რივერ პლეიტის“ რიგებში მასტანტუონომ 61 შეხვედრა ჩაატარა, 10 გოლი გაიტანა და 7 საგოლე გადაცემა გააკეთა.
