ინდიანამ აღმოსავლეთ კონფერენცია მოიგო - წინ ოკლაჰომასთან სუპერფინალია
აღმოსავლეთ კონფერენციის ფინალი დასრულდა. ინდიანამ ნიუ-იორკ ნიქსი საკუთარ კედლებში 125:108 დაამარცხა და სუპერფინალში გავიდა.
EASTERN CONFERENCE CHAMPIONS. pic.twitter.com/rboJa8yYv8
— Indiana Pacers (@Pacers) June 1, 2025
პირველი და მეორე მეოთხედი საკმაოდ დაძაბული გამოდგა. პირველი მეოთხედი მასპინძლებმა 25:24 მოიგეს, ხოლო მეორე 33:30. შესვენებაზე პეისერსი 4-ქულიანი უპირატესობით გავიდა.
მეორე ტაიმში ინდიანამ უპირატესობა გაამყარა და მესამე მეოთხედი 34:23 მოიგო, ხოლო ბოლო მეოთხედი 33:31.
პეისერს პასკალ სიაკამმა ულიდერა. 31 წლის კამერუნელმა პარკეტზე 36 წუთი და 8 წამი გაატარა. ამ პერიოდის განმავლობაში მან 31 ქულას, 5 მოხსნას და 3 შედეგიან გადაცემას მოუყარა თავი. ცნობისთვის, სუპერფინალში ინდიანა პეისერში ოკლაჰომას დაუპირისპირდება.
