გულიაშვილის აღიარება | ბოსნიაში ჩემპიონატის საუკეთესო ფეხბურთელად დაასახელეს
ბოსნიისა და ჰერცეგოვინის პროფესიონალ ფეხბურთელთა კავშირმა მიმდინარე სეზონი შეაჯამა და ჩემპიონატის სიმბოლური ნაკრებიც დაასახელა.
ჩემპიონატის საუკეთესო ფეხბურთელად „სარაევოს“ ქართველი შემტევი, გიორგი გულიაშვილი დასახელდა. გარდა ამისა, გულიაშვილი და მისი ორი თანაგუნდელი მოხვდნენ სიმბოლურ 11-ეულშიც.
ცნობისთვის, ბოსნიის ჩემპიონატის 25 მატჩში გულიაშვილმა 16 გოლი და 4 საგოლე პასი მიითვალა. გულიაშვილმა „სარაევოსთან“ ერთად ბოსნიის თასიც მოიგო, ხოლო ჩემპიონატის დასრულებამდე ერთი ტურით ადრე საუკეთესო ბომბარდირ მიჰაელ მლინარიჩს 3 გოლით ჩამორჩება.
