დიომანდესა და ბელინგემის გვერდით | კვერნაძის გამორჩეული შედეგი
გიორგი კვერნაძე 2026/27 წლების სეზონს შესანიშნავად ატარებს. ქართველი ფეხბურთელი „ფროზინონეს“ ერთ-ერთი ლიდერია და 12 შეხვედრაში მის ანგარიშზე 5 გოლი და ამდენივე საგოლე გადაცემაა, ერთხელ კი თერთმეტმეტრიანი მოიპოვა.
კვერნაძე სხვა კატეგორიაშიც გამოირჩევა. ცნობილი სტატისტიკური სააგენტოს, WhoScored-ის მიხედვით, გიორგი ევროპის ტოპ ხუთი ჩემპიონატის საუკეთესო დრიბლიორებს შორისაა. გიორგის წარმატებული დრიბლინგების პროცენტი 61.2-ია და ამ მხრივ საუკეთესო ხუთეულშია.
რეიტინგში მოსახვედრად მოთამაშეს დრიბლინგის მინიმუმ 35 მცდელობა უნდა ჰქონდეს. პირველ ადგილზე ბრაიან გრუდა იმყოფება — 70.6 პროცენტი, მეორე ადგილზე ჯუდ ბელინგემია — 69.8%, მესამე ადგილზე იან დიომანდეს ვხედავთ — 64.9 პროცენტი, ხოლო მატიას სოულე მეოთხეა — 63.6%.
Highest dribble success rate in Europe's top five leagues this season (35+ attempts): ???????? Brajan Gruda - 70.6% ???????????????????????????? Jude Bellingham - 69.8% ???????? Yan Diomande - 64.9% ???????? Matías Soulé - 63.6% ???????? Giorgi Kvernadze - 61.2% https://t.co/dPFU9s2eSb
— WhoScored (@WhoScored) November 11, 2026
შეგახსენებთ, რომ „ფროზინონეს“ 11 ტურის შემდეგ 20 ქულა აქვს და სატურნირო ცხრილში მეექვსე პოზიციას იკავებს. „კანარინი“ მომდევნო შეხვედრას 22 ნოემბერს გამართავს და „მილანს“ დაუპირისპირდება.
კომენტარები
იყავით პირველი, ვინც დაწერს კომენტარს