მერაბ დვალიშვილი, კონორ მაკგრეგორი, შონ ომალი
Aa
Aa

როგორ დაიბრუნოს მერაბთან დაკარგული საჩემპიონო ქამარი | კონორის რჩევა შონ ომალის

კონორ მაკგრეგორმა შონ ომალიზე ილაპარაკა და „შუგას“ მისცა რჩევა, რომლის გათვალისწინების შემთხვევაში, იგი მერაბ დვალიშვილთან დაკარგულ საჩემპიონო ქამარს დაიბრუნებს. ირლანდიელმა მებრძოლმა X-ის საკუთარ გვერდზე პოსტი გამოაქვეყნა, რომელიც შემდგომში წაშალა, მაგრამ სოციალური ქსელის მომხმარებლებმა მისი დაფიქსირება მოასწრეს.

„შონ ომალი ლეგენდაა! ის UFC-ის ჩემპიონი და საოცარი სუპერვარსკვლავია. შონს და მის მწვრთნელს, ტიმ უელჩს ძალიან, ძალიან, ძალიან დიდი სიამოვნებით ვიხილავდი ირლანდიაში და მზად ვარ, ყველაფრის დაორგანიზება საკუთარ თავზე ავიღო.

4 კვირა ჯონ კავანასთან ერთად და გარწმუნებთ, რომ ომალი საჩემპიონო ქამარს დაიბრუნებს. ერთი თვე, სოლიდური თვე მწვრთნელ კავანასთან (კონორის მწვრთნელი) და აშშ-ში უდიდესი ცოდნით დაბრუნდებიან, რაც ტიტულის ხელახლა დასაკუთრებაში დაეხმარებათ. ამას სიამოვნებით ვნახავდი“.

ცნობისთვის, დვალიშვილმა ომალი მსაჯების ერთსულოვანი გადაწყვეტილებით დაამარცხა და UFC-ის მეორე ქართველი ჩემპიონი გახდა. საბრძოლო ორგანიზაციის პრეზიდენტის, დენა უაითის თქმით, „მანქანის“ მომდევნო მეტოქე უმარ ნურმაგომედოვი უნდა იყოს.

კომენტარები

    იყავით პირველი, ვინც დაწერს კომენტარს

    მსგავსი სიახლეები

    ცხელი ამბები
    ასევე დაგაინტერესებთ
    „გაჩვენებთ UFC თოფურიას რატომ მიმალავდა“ | ჰოლოუეიმ საჩემპიონო ჩხუბზე ისაუბრა
    „გაჩვენებთ UFC თოფურიას რატომ მიმალავდა“ | ჰოლოუეიმ საჩემპიონო ჩხუბზე ისაუბრა