ჩაბი ალონსო, ფლორიან ვირცი
Aa
Aa

ბუნდესლიგა საოცარი მატჩით გაიხსნა | ლევერკუზენმა ბოლო წუთებზე მოიგო

გერმანიის ბუნდესლიგის ახალი სეზონი უაღრესად დრამატული მატჩით გაიხსნა. „გლადბახი“ საკუთარ კედლებში მოქმედ ჩემპიონს, „ლევერკუზენს“ დაუპირისპირდა და ქულის აღებასთან ახლოს იყო, მაგრამ მსაჯის მიერ კომპენსირებულ მე-11 წუთზე დამარცხდა.

„ლევერკუზენმა“ მატჩი შესანიშნავად დაიწყო და მე-12 წუთზე, გრანიტ ჯაკას საოცარი დარტყმით დაწინაურდა. 38-ე წუთზე, ფლორიან ვირტცმა „ფარმაცევტების“ უპირატესობა ორბურთიანი გახადა და ჩაბი ალონსოს გუნდმა საწყისი 45 წუთი 2:0 მოიგო.

„გლადბახმა“ ბოლომდე იბრძოლა. მასპინძლებმა 59-ე წუთზე, ჩამორჩენა ნიკო ელვედის გოლით შეამცირეს, 85-ზე კი კლაინდინსტის დარტყმით წონასწორობა აღადგინეს - 2:2. „ლევერკუზენმა“ სამი ქულა ბოლო წუთებზე აიღო. მსაჯის მიერ კომპენსირებულ მე-11 წუთზე, პენალტი დაინიშნა, რომელიც ვირტცმა შეასრულა. ფლორიანის დარტყმა მეკარემ მოიგერია, მაგრამ ვირცმა ყველას დაასწრო და „ლევერკუზენს“ 3 ქულა მოუტანა - 3:2.

ცნობისთვის, მოქმედი ჩემპიონი მომდევნო ტურში „ლაიფციგს“ დაუპირისპირდება და მატჩი 31 აგვისტოს გაიმართება. „გლადბახის“ მომდევნო მეტოქე „ბოხუმი“ გახლავთ.

კომენტარები

    იყავით პირველი, ვინც დაწერს კომენტარს

    მსგავსი სიახლეები

    ცხელი ამბები
    ასევე დაგაინტერესებთ
    მამარდაშვილმა პენალტი მოიგერია | ვალენსიას დაცვაში სერიოზული პრობლემები აქვს
    მამარდაშვილმა პენალტი მოიგერია | ვალენსიას დაცვაში სერიოზული პრობლემები აქვს