ქვიშის ფეხბურთი: ევროლიგა - საქართველომ ლატვია დაამარცხა

ბათუმში ქვიშის ფეხბურთის პირველი ტურის შეხვედრაში საქართველოს ნაკრებმა ლატვიას 6:1 მოუგო.

შეხვედრა საქართველოს ნაკრების სრული უპირატესობით დაიწყო და პირველი მესამედი ქართველებმა 3:0 მოიგეს. სამივე გოლი გოჩა მახარაძემ გაიტანა.

მეორე მეოთხედში ლატვიელებს კონტრშეტევები გაეპარათ და ლევან ფარტენაძემ ამით ისარგებლა, რის შემდეგაც ტაბლოზე 5:0 დაფიქსირდა.

დასკვნით მესამედში მეტოქემ ერთი ბურთის გაქვითვა შეძლო, თუმცა სულ ეს იყო, რისი შემოთავაზებაც შეძლეს. საბოლოო ანგარიში გიორგი ჟორდანიამ დააფიქსირა, როდესაც ლატვიელთა კარში მე-6 ბურთი გაიტანა.

შეგახსენებთ, რომ A ჯგუფში ჩვენთან ერთად ლატვია და უნგრეთი იმყოფებიან. ბრძოლა ევროლიგის A დივიზიონში მოსახვედრად მიმდინარეობს. ჯგუფებში პირველ და მეორე ადგილოსნები პლეი ოფებში ითამაშებენ. საბოლოოდ კი ბათუმის საერთაშორისო თასის გამარჯვებულს გამოავლენენ.

თუ, საქართველოს ნაკრები მეორე ტურში უნგრეთს დაამარცხებს, პლეი ოფში ითამაშებს. შეხვედრა 19 ივლისს 19:00 საათზე გაიმართება.