გოგა ბითაძე, სანდრო მამუკელაშვილი, კალათბურთელთა ნაკრები
Aa
Aa

კალათბურთელები ოლიმპიადის მიღმა - ბრძოლას ლატვია და ფილიპინები განაგრძობენ

რიგაში მიმდინარე ოლიმპიადის საკვალიფიკაციო ეტაპი საქართველოს კალათბურთელთა ნაკრებისთვის ჯგუფურ ეტაპზე დასრულდა. ბოლო ტურში ალექსანდრ ჯიკიჩის მომზადებულმა გუნდმა ფილიპინების გუნდი 96:94 დაამარცხა, რაც პლეი ოფში გასვლისთვის საკმარისი არ აღმოჩნდა.

ქართველი კალათბურთელები ბოლო ტურის წინ ურთულესი ამოცანის წინაშე იდგნენ - იმის გამო, რომ ფილიპინების ნაკრებმა წინა დღეს მინი ტურნირის მასპინძლები ლატვიელები სენსაციურად, 89:80 დაამარცხა, მომდევნო ეტაპზე გასვლისთვის ალექსანდარ ჯიკიჩის მომზადებულ გუნდს პლეი ოფში გასასვლელად არა უბრალოდ, გამარჯვება, არამედ მოწინააღმდეგის მინიმუმ 19-ქულიანი სხვაობით დამარცხება სჭირდებოდა.

შექმნილი რთული მდგომარეობიდან გამომდინარე ქართველებმა საქმეს თავიდანვე სერიოზულად მოჰკიდეს ხელი და დიდ შესვენებაზე 12-ქულიანი უპირატესობით გავიდნენ. რა თქმა უნდა, უფრო დიდი სხვაობით გამარჯვებაც შეიძლებოდა, თუმცა მეორე მეოთხედის ბოლოს მეტოქე სიტუაციის შეცვლა შეძლო და 11-ქულიანი გაქცევა მოახერხა. საწყისი 20 წუთის განმავლობაში საქართველოს ნაკრების რიგებში საუკეთესო კაპიტანი თორნიკე შენგელია (14 ქულა, 3 მოხსნა, 3 ასისტი) და სანდრო მამუკელაშვილი (14 ქულა, 1 მოხსნა, 1 ასისტი).

შესვენების შემდეგ საქართველოს ნაკრების თამაშში ხარისხი, ორგანიზებულობა და ყველა ის დადებითი კომპონენტი გაქრა, რითაც გუნდი პირველ ნახევარში გამოირჩეოდა. ფილიპინელების რიგებში შეუჩერებელი გახლდათ ჯასტინ ბრაუნლი, რომელმაც მატჩი 26 ქულით, 8 მოხსნითა და 7 შედეგიანი გადაცემით დაასრულა. რაც შეეხება ქართველებს, სანდრო მამუკელაშვილის ანგარიშზე 24 ქულასთან, 7 მოხსნა და 3 პასი გახლდათ, ხოლო გოგა ბითაძეს ორმაგ დუბლამდე მხოლოდ ერთი მოხსნა დააკლდა - „ორლანდო მეჯიქის“ ცენტრმა 19 ქულა, 9 მოხსნა და 1 ასისტი მიითვალა. ამგვარად მომდევნო ეტაპზე ასპარეზობას და პარიზის ოლიმპიური თამაშების საგზურისთვის ბრძოლას, ლატვიისა და ფილიპინების ნაკრებები განაგრძობენ.

კომენტარები

    იყავით პირველი, ვინც დაწერს კომენტარს

    მსგავსი სიახლეები

    ცხელი ამბები
    ასევე დაგაინტერესებთ
    საქართველოს ნაკრების მძიმე სტარტი | ლატვიამ 28 ქულით მოგვიგო
    საქართველოს ნაკრების მძიმე სტარტი | ლატვიამ 28 ქულით მოგვიგო