ევრო 2024-ის ფავორიტები | საქართველოს ნაკრების პოზიცია Givemesport-ის რეიტინგში
Aa
Aa

ევრო 2024-ის ფავორიტები | საქართველოს ნაკრების პოზიცია Givemesport-ის რეიტინგში

Givemesport-მა ევრო 2024-ის ფავორიტები დაასახელა და ეროვნული ნაკრებები სიძლიერის მიხედვით დაალაგა. ცნობილმა ბრიტანულმა გამოცემამ Goal-ისა და Independent-ის მოსაზრება გაიზიარა და საკუთარ რეიტინგში საქართველოს ბოლო ადგილი მიაკუთვნა.

„საქართველომ ევროპის ჩემპიონატის საგზური საბერძნეთთან მატჩში მოიპოვა, რომელიც პენალტების სერიაში მოიგო. მიიჩნევა, რომ ქართველებს ევროზე ერთ-ერთი ყველაზე სუსტი გუნდი ჰყავთ“, - წერს ბრიტანული გამოცემა.

როგორც მოგეხსენებათ, საქართველოს ნაკრები F ჯგუფში მოხვდა და მისი მეტოქეები პორტუგალია, თურქეთი და ჩეხეთი არიან. Givemesport-ის რეიტინგში, ჩეხეთს მე-17 პოზიცია უკავია, პორტუგალია მე-5 გახლავთ, თურქეთი კი მე-13 ადგილზეა.

Givemesport-ის აზრით, ევრო 2024-ის მთავარი ფავორიტი საფრანგეთია. მეორე პოზიციას გარეტ საუთგეიტის ინგლისი იკავებს, ტურნირის მასპინძელი, გერმანია კი მესამეა. მეოთხე ადგილზე ესპანეთია გამწესებული, მეექვსე-მეშვიდე პოზიციებზე ბელგიასა და ნიდერლანდებს ვხედავთ. იტალია მერვეა, ხორვატია - მეცხრე, დანია - მეათე.

ცნობისთვის, ევროპის ჩემპიონატზე 18 ივნისს ჩავერთვებით და დორტმუნდში თურქეთს შევხვდებით (20:00), ვილი სანიოლის გუნდი მეორე ტურში ჩეხეთს დაუპირისპირდება. ამ მატჩს ჰამბურგი უმასპინძლებს და მას 22 ივნისს, თბილისის დროით, 17:00-დან ვიხილავთ. მესამე ტურს რაც შეეხება, ჩვენი ბიჭები ჯგუფური ეტაპის ბოლო შეხვედრას გელზენკირხენში 26 ივნისს, პორტუგალიის წინააღმდეგ გამართავენ.

მსგავსი სიახლეები

ცხელი ამბები
ასევე დაგაინტერესებთ
„მისი გაყიდვა ქომაგების გულებში დანის ჩაცემა იქნება“ | ესპანური გამოცემა მამარდაზე
„მისი გაყიდვა ქომაგების გულებში დანის ჩაცემა იქნება“ | ესპანური გამოცემა მამარდაზე