„როდესაც დამარტყა, ვუთხარი, რომ ჩემი ჯერიც დადგებოდა, შემდეგ კი...“ - რას იხსენებს თოფურია
UFC-ის ქვემსუბუქი წონის ქართველმა ჩემპიონმა, ილია თოფურიამ ესპანურ ტელევიზია El Hormiguero-სთან სტუმრობისას ალექსანდრ ვოლკანოვსკისთან გამართულ საჩემპიონო ბრძოლა გაიხსენა და ერთი საინტერესო დეტალზე გაამახვილა ყურადღება.
რას ამბობს „მატადორი“:
ერთ-ერთ ეპიზოდში, როდესაც მას პირველად გავარტყი, მან ეს აღნიშნა და მითხრა, რომ კარგი დარტყმა იყო. ჩხუბის დროს ცოტ-ცოტას ვსაუბრობდით. როდესაც დამარტყა, იზეიმა... მითხრა, რომ მომარტყა. არ ვიცი, ჩანს თუ არა ეს ვიდეოში, მაგრამ ვუპასუხე, რომ ჩემი ჯერიც მალე მოვიდოდა. ეს ორჯერ გავუმეორე... და როდესაც ჩემი ჯერი დადგა, ავსტრალიაში შუქი გაითიშა.
Ilia Topuria reveals what he said to Volkanovski before knocking him out at #UFC298
— Championship Rounds (@ChampRDS) February 28, 2024
“When [Volk] connected he celebrated. I told him ‘my turn is coming soon’. I repeated this to him twice, and when [my turn] arrived, the lights went out in Australia”
???? @El_Hormiguero #UFC #MMA pic.twitter.com/vlmKzp4yaq
შეგახსენებთ, რომ ილია თოფურიამ UFC 298-ზე, ალექსანდრ ვოლკანოვსკი მეორე რაუნდში ნოკაუტით დაამარცხა და საქართველოს ისტორიაში UFC-ის პირველი ჩემპიონი გახდა.
